Қызылшаның алдын алу

27 Мамыр 2019, 2:40 pm
60 рет оқылды

Қазақстанда қызылша ауруының өсуі байқалады. Қазақстан Республикасы Денсаулық сақтау министрлігі егілмеген балалар – қызылша ауруымен ауырғандардың негізгі үлесін құрайтынын хабарлайды. Қызылша ауруының өршуіне байланысты 2019 жылы 14 мамырда №130 орта мектептің 8 сынып оқушылары арасында дәріс оқылды. Дәріс тақырыбы «Қызылшаның алдын алу», баяндаушы ЖТД-1 кафедрасының ассистенті Сатымбекова А.Ш.

1403 1

Баяндамада өзектілігі, таралуы,жұғу жолдары, көрінісі,асқынулары және алдын алуы көрсетілген. Іс-шараның мақсаты: оқушылар арасында қызылша туралы ақпарат деңгейін арттыру. Қызылша – ауа-тамшылы жолмен жұғатын өте жұқпалы инфекция. Қызылшаның асқынуы жиі пневмонияға әкеледі. Балаларда жалған круп, кейде стоматит болуы мүмкін. Ересектерде менингит, менингоэнцефалит, полиневрит дамуы мүмкін.

1403 2

Егер адам қызылшамен ауырмаған болса және осы инфекцияға қарсы егілмеген болса, онда науқаспен байланыста болған жағдайда оның инфекцияны жұқтыру мүмкіндігі 100% -ды құрайды. Қызылша инфекциясы кезінде алдын алу іс-шараларының қажеттілігі адам популяциясындағы жұқтырудың қарапайымдылығымен, тез таралуымен және ересек жастағы асқынулардың белгілі бір даму ықтималдығымен анықталады.

Қол жетімді және тиімді инфекциямен күресу әдісі – вакцинация . Бұл тақырып оқушылар арасында үлкен қызығушылық және белсенді талқылаулар тудырды. Оқушылар өздерін қызықтырған сұрақтарын қойып, жауап алды.

Материалға баға беріңіз
(0 баға берілді)

Біздің жетістіктеріміз

  • Дипломдар, алғыс хаттар

    Дипломдар, алғыс хаттар

  • Куәліктер, сертификаттар

    Куәліктер, сертификаттар